منتدى قر ية قنيدة

نرحب بالاعضاء الكرام
منتدى قر ية قنيدة

منتدى قرية قنيدة الثقافي الاجتماعي -( ومن يتق الله يجعل له مخرجا)

ان موقع قرية قنيدة موقع خاصة بمواطني قرية قنيدة الكرام وجميع محبي تلك القرية الكريمه التي تضم الكل في رحابها الطاهر وبتدشين موقعها ليكون عنوان لنشر ثقافه اهل البلدة وترابطهم اجتماعيا .كما اوضح للاخوة الزوار ان قرية قنيدة احدى قرى محافظة المناقل وسكانها من العركيين وبعض القبائل الاخرى

اللهمَّ صلِّ صلاةً كاملةً، وسلِّم سلامًا تامًّا على سيدِنَا محمّدٍ، الذي تَنْحَلُّ بهِ العُقَدُ وتَنْفَرِجُ بِهِ الكُرَبُ وتُقْضَى بِهِ الحوائجُ وتُنَالُ بهِ الرّغائِبُ وحُسْنُ الخواتيمِ ويُسْتَسْقَى الغمامُ بوجهِهِ الكَرِيمِ وعلى ءالهِ وصحبه وسلِّم

المواضيع الأخيرة

» تطور منطقة معتوق
الأربعاء مارس 23, 2016 2:43 pm من طرف Admin

» عيدية لكل ابناء القرية وخاصة اعضاء المنتدى الاوفياء
الثلاثاء أكتوبر 15, 2013 4:26 am من طرف Admin

» الشيخ عبدالرحمن بن مشيخ (النويري)
الإثنين يونيو 03, 2013 1:47 pm من طرف Admin

» علامات الساعه والقصه الكامله
السبت أكتوبر 06, 2012 6:33 am من طرف عبد الله

» مجا دعه بين ابن وابوه
الإثنين أبريل 30, 2012 1:46 am من طرف ياسين المهدي

» قصة باللغة الانجليزية
الإثنين أبريل 30, 2012 1:42 am من طرف ياسين المهدي

» معتوق العصر
الأحد أبريل 08, 2012 1:10 am من طرف Admin

» الاسلام في الغـــــــــــــــرب!!! وقصه لندن الشهيره
الثلاثاء أبريل 03, 2012 4:56 pm من طرف أم مؤمن

» القبض والسدل في الصلاة
الأربعاء مارس 21, 2012 8:16 pm من طرف Admin

» عمل اختصارات علي سطح المكتب
الأحد مارس 18, 2012 10:34 pm من طرف ياسين المهدي

» تهئة للعريس ود المبارك
الثلاثاء فبراير 14, 2012 3:02 am من طرف أم مؤمن

» اسئلة واجوبة تنفع في الدنيا والاخرة
الثلاثاء فبراير 14, 2012 2:59 am من طرف أم مؤمن

» فقراء لكنهم اغنياء
الأحد يناير 29, 2012 8:12 pm من طرف Admin

» اسمع كلام امك تعال الغربة ماها كنز قروش
الثلاثاء يناير 24, 2012 9:10 pm من طرف أم مؤمن

» نسب العركيين
الإثنين يناير 23, 2012 4:19 am من طرف ودالحسن العركي

» مرحبتين بلدنا حبابا
الأحد يناير 22, 2012 8:09 pm من طرف أم مؤمن

» أساليب التغيير الايجابي في الحياة
السبت يناير 21, 2012 7:07 pm من طرف أم مؤمن

» ترحيب بجميع الاعضاء الذين انضموا للمنتدى
الأربعاء يناير 18, 2012 3:21 am من طرف ودالحسن العركي

» النسب والحسب
الإثنين يناير 16, 2012 9:51 pm من طرف Admin

» اتكاءة همباتي
الإثنين يناير 16, 2012 4:25 am من طرف ودالحسن العركي

مكتبة الصور



    سيارة ود الصادق تستنطق الشباب في مساجلات جميلة

    شاطر

    Admin
    Admin
    Admin

    عدد المساهمات : 33
    نقاط : 75
    تاريخ التسجيل : 30/06/2010

    لكم التحيه

    مُساهمة من طرف Admin في الأحد يناير 15, 2012 3:56 am

    انشاء الله جمعتم

    قاسم مهدي

    عدد المساهمات : 31
    نقاط : 72
    تاريخ التسجيل : 01/07/2010
    العمر : 43
    الموقع : السعودية -بريدة

    الجاتك في مالك سامحتك

    مُساهمة من طرف قاسم مهدي في الأربعاء يوليو 28, 2010 5:38 am

    اولا :بقول للاخ معتصم الصادق خليفتها بركة وانشاء الله تجمع قريبا
    ثانيا : بشكر الاخ يوسف التوم على الوقفه الصلبه واتمنى من الله ان يسدد خطاه ويعينه
    ثالثا: بقول للاخت اكيد ما من جوه قلبك )ابيض قلبك عارفو وكلك حسن نية)
    رابعا :بشكر الجميع على التنويرة وحسن الخطابه ومذيدا من التفوق

    الهمباتي

    عدد المساهمات : 13
    نقاط : 21
    تاريخ التسجيل : 08/07/2010
    العمر : 42
    الموقع : السعودية - الرياض

    سيارة ود الصادق تستنطق الشباب في مساجلات جميلة

    مُساهمة من طرف الهمباتي في الإثنين يوليو 26, 2010 5:53 pm

    [مساجلات عربية عصمت الصادق:

    عصمت صاحب السيارة يقول:
    يبدو حقيقة بأن لهذه السيارة سر عظيم كيف لا وبالأمس وأثناء زيارتنا للأخ الكريم يوسف التوم بحي الجرادية قام أحد زوار الليل بسرقتها للمرة الثانية في أقل من شهرين وقد بعث لي يوسف هذه الأبيات مواسياً لنا في سرقة سيارتنا للمرة الثانية:

    سويتها يا حرامي الجرادية ما خفته من العاقبه
    حنيت راسي مع ناس كرام سمعتم سابقه
    كنت داير زيارتم تفوح بي سيرتاً عابقه
    ونتسلى بيها حين نذكر الأيام السابقه
    لكن رجعتهم كداري والعله بقت عليهم طابقه

    * * *
    ود الصادق صبح محتار من قومة الفجرية
    بعد ما كان مالي يدو فيك ومدخرك دخرية
    بناديكم يا أعراك جميع يا البجردو الألفية
    المعلومة ترجع سالمة وحتى المكيف فيه

    * * *
    دخلتي الشهرة من باب الجاذبية ورغبة السراق
    قبال البشوفك يظنك فزره ولي غير سيده ما تنساق
    حراميك بصير ولي خصايلك طلع ذواق
    نقاك تنقيه ودايرك دخري لي عركة الدقداق

    * * *
    لكن يا عصمت أعرف زين إنها ما محقورة
    ومرغوبة جد وبي عين الحسود منظوره
    والسراق من شوفتو ليها بدوره
    وأقرب دليل سيرقت مرتين قبال تكمل دوره


    الأخت الشاعرة مريم الطيب مصطفى سخرت من مقالنا حول سرقت سيارتنا (الفارهة) وقامت بكتابة مقال طويل حول هذه السرقة وقد هجت سيارتنا بهذه الأبيات:
    يا عصمت عربيتك الكركابة .. قول لي شن تردابا
    اللبدة يا أخي خرابا .. ومقطوع حبل ضنابا
    تب ما في زول برضابا .. عارت وهي ما قرابا
    سائلاك ربي إجابة .. في التشليح تكون أبوابا


    أخونا ود الفكي ما عجبو كلام أختنا مريم الطيب وقام قال ليها

    ياعصمت عربيتك حبابا،،،
    [i]حافظ عليها واتواصابا،،،
    واللبدة يعرف فائدتها أصحابا،،،
    تحت سرجاً جميل تحفظ ظهور الدابه،،،
    شاحد الله الكريم يحفظ لى هذى الدابة،،،



    رد يوسف التوم قائلاً:

    يا أخي ود الصادق ربنا يجمع بينك وبين محبوبتك التي جابت معك شوارع الرياض يمنةَ ويسرى فأنا أعلم برغم سخريتك منها أحياناً أنها كم محبوبة لنفسك ولا ترضى فيها أن يخدشها النسيم دعك من أن يسخر منها الآخرون وهذا رد بسيط على الأخت مريم الطيب التي دعت الله أن تحل بالسيارة كارثة فمني أقول لها:


    يا مريوم بشـوفك مـن عربيـة عصمت اتسخرّتي

    وبي شنيـع أوصـاف ليـها مـا اتـأخــرتي

    أصلك ما جربتيها في البرجوبة أسرع من الدي زيرتي

    والعجب في الوحل بابور عديل ما باقي إلا تحرتي

    ******
    بعدين الزول متمسك بي قديمو وعاجبو

    شايله حمولتو ومداوم فيها ومواصل أصحابو

    سائل ربي يخليها ويعليها وتصبح جامبو

    كـده كـده كيتاً للمابيها والما عاجبو


    لكن معتصم الصادق تهكم ثانيةً:

    ونهار المسروق ----------
    يا الوديع الخبر الاكيد جانا -------- الاباك تباه وتخرب الخربانه -

    صحيح الحديد اصلو مافهم ---- بس عربيتنا دى فهمانه
    قالت عديل ما دايراكم --------- و وكلمتكم فصيح ورطانه ----
    ليه بتجروا تانى وراها ---- ومن ناسا غيرت حتى من مكانه --------
    انا بشوف تجيبوا واحده جديده --- والعربات كتر ما كملانه ----
    فى جميل والراجحى و والشفا -- كمان تب ان غلبتكم -- فى ساب امانه ---
    فرد يوسف التوم قائلا:

    يا أبو عبد الله
    نحنا الجديد البلمع حديدو مو غالبنا
    وان درنا بنسويهو وما في زول طالبنا
    وحديدها كان (كورك) عديل برضو بظل عاجبنا
    وما تخليك محراشي وتسولينا غط المو ز في موية الجبنة
    ***
    وخلي كتر الكلام وورينا الهمة في كوس رايحتنا
    وما تقول الدوام وكثرة زبائنا ما خلتنا
    هسع إن لقيناها بتسمع زغاريدنا وتشوف عرضتنا
    وكل القنوات تجينانقلاً حي لي مجالس الفقرا ومحل ونستنا

    ورد معتصم الصادق مرة أخرى:
    امشوا كوسو براكم ------ اصلو القديم --- مافايتكم -----
    ومحمداكم هوندا العبيد --- والكامرى الغزال تب ماشايفكم ---
    انت ناس اصول وقديم --- بس فى دى اصلى ما بايدكم ----
    غيرو وبدلو كان ينفعنا ---- وكان تجى راجعة انا مابعايدكم ----


    يوسف التوم
    نقلاً من منتديات الفقراء
    مع خالص التحية
    [/size][/size][/size][/size][/font][/size]
    [b]

      الوقت/التاريخ الآن هو الأربعاء فبراير 22, 2017 11:57 am